Search

جارٍ التحميل...

Translate

الثلاثاء، 1 يناير، 2013

13

لسماع المقالة اضغط هنا 

  عام جديد علينا ان شاء الله 2013... ربنا يطرح فى البركة و يكرمنا فيه و يكرم مصر فيه يا رب ... بدخول عام جديد ده خلانى اسأل نفسى اذا كنت كنت حققت اللى نفسى فيه السنة اللى فاتت ؟ و ايه هى اهدافى للسنة الجاية ؟ و ايه المشاكل اللى وجهتنى السنة اللى فاتت ؟ و ازاى اعرف اتجنبها السنة دى ؟

  الحمد لله ربنا كرمنى و خلصت الامتياز و اخيرا اتخرجت من الكلية بتفوق الحمد لله رب العالمين  ، و الحمد لله ربنا رزقنى بشغل كويس فى عيادة محترمة و قدرت اعمل بفضل الله اسم كويس ليا هناك و كلالناس بتحترمنى  فيها من اصغر لاكبر حد –فضل و نعمة - ، و الحمد لله بقيت محافظة على صلاتى اكتر من السنة الماضية ، و اقدرت اعرف مين الاصدقاء اللى عايزاهم يكملوا معايا عمرى و بدأت ابذل مجهود عشان احافظ عليهم فى حياتى- لانى نظرا لطبيعة شخصيتى الاجتماعية اصداق ناس كثر لكن لا يوجد منهم من هو صديق العمر سوى المعدود على اصابع الايدى .

   طيب بس لو انا فكرت شوية هلاقى انى فيه حاجات ضايقتنى 
فى نفسى السنة اللى فاتت و هى ان فيه حاجات كان المفروض اعملها و ماكملتش مثلا كان المفروض اكمل مقالات بروتوكولات حكماء صهيون و ماكملتش و كان المفروض اكمل مقالات الدستور بس برده ماكملتش و كان المفروض اسجل كل المقالات صوتى بس مش كلهم اتسجلوا و كان المفروض اخلص مذاكرة التويفل و تقريبا شبة ما بدأتش و كان المفروض اذاكر كتاب معين و ما فتحتهوش و كان المفروض احفظ كل اسبوع حزب من القرآن الكريم و ما حفظتش غير حزب واحد بس ... صحيح ان معظم الاهداف دى كانت وضعت فى شهر ديسمبرالماضى بس برده شعور مش كويس وده خلانى اسأل نفسى سؤال هو انا من نوع الناس الكسلان اللى ما بيشتغلش على نفسة ؟ و لا انا من النوع اللى عامل ذى الارنب اللى لازم يبقى فيه كرباج وراء ظهرة و جزرة قدامة ؟ و لا انا ايه بالظبط ؟

  طبعا مفيش داعى اقول ان حضرتى اضايقت من نفسى جدا و التشبيهات السابقة ضايقتنى من نفسى اكتر .... فى نفس التوقيت اللى اتفرجت على فيلم (جولى و جوليا )(Julie and Julia )  فيلم لميرل سترب و ايمى ادمز و فيه كانت ايمى ادمز موظفة حكومية عمرها ما انهت شيئ فى ياتها الى ان الهمت من قبل طباخة (ميرل استرب ) ان تحدد لنفسها هدف و هو ان تطبخ كل يوم وصفة و تتحدث عنهم على مدونتهم ... و فىمشهد ان والده البطلة كلمتها و قالت لها كملى اللى بتعمليه عشان تخلصى شيى فى حياتك ...الكلمة الاخيرة دى اثرت فيا اوى ... 

    و قلت طيب لو هى قدرت تنجز شيئ  انا كمان اقدر ... فيه اهداف كتيرة حططهاا لنفسى السنة دى و منها و-ده اللى يخصنا- ان المدونة هتبقى شخصية اكتر و اكتب كل يوم عن فكرة فكرت فيها على مدار اليوم و ياريت لو كتب شوية من المقالات اللى فى ال drafts اللى لسه ما اتكتبوش ... ادعولى و ربنا يجعل سنة 2013 سنة سعيدة علينا يا رب .

(تمت بحمد الله )
بقلم : الاء نور الدين 
جميع الحقوق محفوظة 

‏هناك تعليقان (2):

  1. {بنا يوفقك ان شاء اللله - وع فكره ده طبيعه ناس كتير وهيا ف نزاع دلوقتى ما بين الكسل ومابين الطموح - حلوا ان الواحد يكون عنده احلام ويحب يكتبها ويحبها يفتكر ان ها يستمر فيها - لكن ممكن تضع حلول بسيطه - مثلا احدد حاجه واحده فقط احاول ابدأ فيها - احاول اشوفلها اى وسائل تنفع ف كل الاوقات لو افترضنا انه كتاب وله محاضرات صوات - يبقى الكتاب اما اكون ع المكتب والصوت ع موبيل اسمعها خلال الموصلات ده كمثال وكل واحد بيشوف اللى بيناسبه - وف الاخر ادعيلك بالتوفيق واعرفى ان الصراع ده ها يستمر ع طول - بس استمد قوتك من العزيمه والاراده

    ردحذف
    الردود
    1. شكرااااا جداا على ذكر موضوع الصراع دة لان دى انسب كلمة تستخدم ... شكرا كتيير على النصيحة

      حذف

لا تبخل علينا برأيك