Search

Translate

الأحد، 9 ديسمبر 2012

يالا دستووووووووووووووووووور




  

اليوم و انا خارجة من مترو غمرة .. مع عدد الباعة الجائلين الهائل اذ سمعت واحد بيقول يالا دستووووووووووور ... يالا دستوووووووووور ... و اخيرا اصبح دستور البلد مصر رزق اللناس ذى الاعلام و الطواقى ايام الماتشات ...المهم اشتريت نسخة من الدستور .. و للعلم انا مش متخصص فى الحقوق و لا القوانين و اذا اقرا بس اول بابين و فى مواد حسيت انها هتدودينا فى خبر كان ..
و بما ان مفيش دستور بلد يفرز و يقرا جيد ... انا معرفش الصراحة رئيس الجمهورية قراه فى نص يوم ازاى .. ما علينا .. نمسكهم كده يوم باب :


الباب الاول : الدولة والمجتمع

المواد التى اضع عليها علامات رفض كبيرة :


المادة (4) : نص المادة :

الأزهر الشريف هيئة إسلامية مستقلة جامعة، يختص دون غيره بالقيام على كافة شؤونه، ويتولى نشر الدعوة الإسلامية وعلوم الدين واللغة العربية فى مصر والعالم. ويؤخذ رأى هيئة كبار العلماء بالأزهر الشريف فى الشؤون المتعلقة بالشريعة الإسلامية.

وشيخ الأزهر مستقل غير قابل للعزل، يحدد القانون طريقة اختياره من بين أعضاء هيئة كبار العلماء.
وتكفل الدولة الاعتمادات المالية الكافية لتحقيق أغراضه.
وكل ذلك على النحو الذى ينظمه القانون.

التعليق :

يعنى ايه شيخ الزهر غير قابل للعزل ... يعنى لو كان مثلا واحد مسك و طلع لا قدر الله فاسد و لا غير صالح و لا غير قادر على ادارة المؤسسة بشكل جيد بما يحافظ على كيان الازهر ... نبلس فيه بقى الى ان يرحمة الله و لا  لازم يكون فيه تداول او حتى طريقة  للعزل .. لان مهما كان شيخ الازهر عالم فذ و شيخ جليل فهو ليس نبى او رسول حتى نضع حكم بغير قابليته بالعزل
و النقطة الثانية (يحدد القانون طريقة اختيارة) يعنى هو قال ف الدستور  ان يعتمد على القانون مع ان القوانين هى اللى بتتحكم فيها السلطة الحاكمة للبلاد .. يعنى كل ما يجى حد يعوز يعمل حاجة يغير قانون .. و يبقى للاسف هو الدستور هو اللى سمح له بده .

المادة 12 : نص المادة :
تحمى الدولة المقومات الثقافية والحضارية واللغوية للمجتمع، وتعمل على تعريب التعليم والعلوم والمعارف.

التعليق :
ركز ف كلمة تعريب التعليم ... ما احنا طول عمرنا فى مدارس بندرس باللغة الانجليزية وفى مدارس بتدرس بالعربى و مدارس دولى كمان ... فجاة بقت مشكلة التعليم انه يتعرب ... يعنى ممكن نصحى الصبح يقولك كما نص الدستور على تعريب التعليم .. تحول المناهج من اللغة الانجليزية للعربية و ما فى ذلك طبعا الكليات الطبية .. تفتكر ممكن تدرس طب بالعربى ، هتقول ما سوريا بيدرسوا بالعربى هقول ان على قد ما السوريين شاطريين فى بلادهم لكنهم مش شاطريين فى البحث العلمى لان المصطلحات مختلفة و كمان اصلا هما جربوا ينفذوا ده مصر زمان و فشل  بعد سنتين و رجع الطب بالغة النجلزية تانى .. ثم هو استخدم كلمة تعمل على .. و كان تعريب التعليم - مع ان معظم مدارس و كليات مصر بتدرس بالعربى اصلا – اصبح مهمة قومية و هو ده اللى كان معطل مسيرة التعليم المصرية  و لا يكونش المادة دى بقى محطوطة عشان ترضى الاخوة اللى بيقولوا على دراسة بالغة الانجليزية حرام فقالوا يهدوهم بالكلمة دى.. عفوا انا دستور بلدى مش لعبه
المادة 14 : نص المادة :
يهدف الاقتصاد الوطنى إلى تحقيق التنمية المطردة الشاملة، ورفع مستوى المعيشة وتحقيق الرفاه، والقضاء على الفقر والبطالة، وزيادة فرص العمل، وزيادة الإنتاج والدخل القومي
وتعمل خطة التنمية على إقامة العدالة الاجتماعية والتكافل، وضمان عدالة التوزيع، وحماية حقوق المستهلك، والمحافظة على حقوق العاملين، والمشاركة بين رأس المال والعمل فى تحمل تكاليف التنمية، والاقتسام العادل لعوائدها.
ويجب ربط الأجر بالإنتاج، وتقريب الفوارق بين الدخول، وضمان حد أدنى للأجور والمعاشات يكفل حياة كريمة لكل مواطن، وحد أقصى فى أجهزة الدولة لا يستثنى منه إلا بناء على قانون.

التعليق :

حلو انه خلى حد ادنى للاجور بس ما يجيش بقى يضحك عليا و يعمل قال انه عمل 

حد اقصى للاجور و هو مش عامل اصلا لانه شرط الحد الاقصى بالقانون .. يعنى

 ذى ما قلنا قبلا كده كل ما السلطة تتغير بتغير القوانين بما يناسب سياستها و 

بالتالى اعطى لاتباعى الحد الاقصى بقى اللى يعجبنى و كله بالقاااااانون



المادة 26 :نص المادة :



العدالة الاجتماعية أساس الضرائب وغيرها من التكاليف المالية العامة.
ولا يكون إنشاء الضرائب العامة ولا تعديلها ولا إلغاؤها إلا بقانون، ولا يُعفى أحد من أدائها فى غير الأحوال المبينة فى القانون. ولا يجوز تكليف أحد بأداء غير ذلك من الضرائب والرسوم إلا فى حدود القانون.

التعليق :
ذى ما قلت و عدت بالبلدى كدة  الدستور هو الكبير  بتعنا و قانون هو الصغير اللى تحته و ما ينفعش يقول الكبيير للصغير ادى شروطى بس اعمله ذى ما انت عايز،
من الاخر اهو انهارده صحينا الصبح لقينا الضرائب زايدة زيادة مش طبيعية كهرباء و تليفونات و سلع  و الخرده و الاسمنت و الاسمده حتى البيبسى  و بيقولوا ان السجاير بقت اغلى من الحشيش !!!!!!!!!!!!!!!!!!( طبعا عشان المخدر معلوهوش ضرائب )  ، وخد عندك دى بقى مش كفاية الازمة الاقتصادية و السياحة اللى اتضربت قوم  فرض ضرائب على الاتوبيسات السياحية و الفنادق و المطاعم  و غير كده كتيييييييييييييييير انظر قرارات مرسى ليوم 6/12/2012  .. اهو بالقانون برده تقدر تقول الدستور  حمى المواطن الفقير ازااااى ؟!!!!!!!!!!!


المادة 29 : نص المادة :



لا يجوز التأميم إلا لاعتبارات الصالح العام، وبقانون، ومقابل تعويض عادل.

التعليق :

هو مش برده مجلس قيادة ثورة 1952 قمم بيوت الامراء و الاميرات و رجع السادات رجعهلهم تانى بعدها عشان ده مكنش عدل انهم يأمموا حاجتهم ... ما الصالح العام ده بيتغير مع كل ادارة  جديدة للدولة لان كل منها لها اعتباراهات و لاننا شفنا ان القوانين بتصاغ كما يريد صاحب الامر – كما حدث اليوم – فالتأميم امر نسبى راجع للسلطة .. يعنى ممكن يعجبهم بيت بنيته و قال انه هما يعملوا منشأة للدولة وهو اسمه صالح عام و يعوضنى و خلاص ... افرض انا عايزة حاجتى و مش عايزة تعويض يجبرنى ليه اصلا .


                                                (( تمت بحمد الله 

بقلم : الاء نور الدين على

                                                جميع الحقوق محفوظة 2012©