Search

Translate

الاثنين، 31 يوليو، 2017

ضحكة سوكي

     في سنه 2013 طفل عسول عايش في دبي عنده سنه و شهر، أسمه عمر ، بس بالنسبة لي أسمه سوكي 

 ليه سوكي مهم بالنسبة لي؟


لأكتر من سبب
1- His parents very respectable, very cooperative and very helpful


دول حاجات تخلي آي دكتور محظوظ بكل المقايس.

2- سوكي كان يا حبيبي تعب كتير قبل ما يتحول للعلاج الطبيعي ، و كان متعقد من البلطو الابيض  ..و كان بيعيط كتيييير ... كان بيعيط بضميييير.

      بس أول ما أكتشفت ضحكته .. كانت دنيا تانية خالص .. ضحكة من القلب و خدود وردي و وش مدور .. ضحكة بضمير برده ... ضحكة تسترحم انك تخليه يزعل.

      سوكي أول حالة خلتني اهتم بان الطفل يضحك  و أنه يتراضي و يمشي مبسوط قبل ما أهتم أن الجلسة تتعمل صح  .. وده مش عشان ده بفرق جداا في النتايج ، ده عشان بس مقدرش مشوفش ضحكة سوكي 

3- عمر كان ليه اخ اسمه علي ... كان خواجة خالص و كان 3 سنين و كان بيحب يلعب معانا في sessionو انا كنت بحب الجلسة بتاعتهم جدااا.

   عمر طبعا كان بيسافر و يجي كل سنة  .. و مش بيكون معايا كل سنه أكيد .. لكن الودّ و الأحترام لمامته و لعلي اللي كل سنة فاكرني  مش بينتهي.

    سوكي جاه السنه دي الأيام بتعتي؛ و تيته جدة سوكي سلمت عليها و هو بصلي اللي هو -مين دي اللي تيتا بتبوسيها دي ؟.

قولتله : "حبيبي مش هتفتكرني كنت صغير" . و سلمت و خلاص(لأن كل سنة مش بيفتكر ).

    الجلسة اللي بعدها بسلم علي مامته ؛ و لقيته علي غير المتوقع بيبصللي و بضحكة في منتهي السعادة بيقولي :" مش انتي الدكتورة بتاعتي و أنا ضغنن؟!!.




واضح أنه سأل عليا و واضح أن تيتا قلتله

    و طبعا مفيش داعي أقول أن بعد كلمة " الدكتورة بتاعتي" دي انه اخد اللي فيه النصيب من الدلع و الأحضان 

سوكي بقي راجل داخل grade one 




طيب ليه أنا بحكي عن سوكي ؟

١- عشان أشكر مامته و عيلته كلها علي الدعم اللي أدوه لعمر و لان ده فرق معاه و هيفرق في بقية حياته .

٢- عشان لمّا حد فينا يبقي معاه baby و parents ذي أهل عمر ، يقدّر النعمة اللي معاه ، لأن شغلنا من غير أهل بيساعدوك و لا حاجة .

٣- عشان الأطفال طلعوا بيعملوا لنفسهم ذكريات هما كمان و بيسالوا عن اللي مش فاكرينه ... فنحاول نكون جزء من ذكري حلوة للطفل مش ذكري من شقاء و نكد و تعب .

٤- عشان نقدر الضحكة اللي بتطلع من الطفل عشان دي بتغير الدكتور كل جلسة للأحسن كأنسان مش بس كدكتور . ..

الأحد، 30 يوليو، 2017

ايه اللي ممكن يفرح يومك 😍😍؟

ايه اللي ممكن يفرح يومك ؟

انك تروح الATM تلاقي baby عايز يلعب في الزراير و تلاعبة  و يمشي مع مامته مبسوط...

تنزل تروح الATMالتانية تلاقي baby سكر و ذي القمر بتاع 5 شهور بيبصلك .. تبصله يضحكلك ضحكة من القلب و مامته تقولك انه ماشي يعاكس كل بنات المول 

حاجات بسيطة ممكن تروحك البيت مبسوط 



اضافة: ابطال حدوتة انهاردهاسمهم باسم و يحيي بالترتيب

الخميس، 27 يوليو، 2017

الطفل الحنين ..رزق


دعاء ...دودو .. بنوته يمنية عايشة في مصر .. حاجه كده زي تربيتنا زمان ... ادب و سمع كلام و تربية والله 




عملت انا و دودو deal ...لو خلصت الsession كويس .. هنلعب كورة مع بعض 



يوم الثلاثاء اللي فات اتخبط و ظفري اتكسر و معلبناش مع بعض طبعا لاني مش عارفة اشوط الكورة و في نفس الوقت كان بابا مستتيني نروح فمفيش وقت





دودو: رجلك اخبارها أيه؟ 


انا: الحمد لله بس لسه وجعاني شويه يا دودو " بقول في نفسي هي افتكرت ازاي اصلا   .. دي كانت جملة عابرة اخر اليوم 


 دودو: لما رجلك تخف هوريكي طريقة نلعب بيها الكورة 


انا: و لا تزعلي اشوط برجلي التانية  ..


دودو : عشان ما تبقاش وجعاكي


انا : الرجل التانية سليمة .. اطمني 


#انا_ادعلت

#الجيل_الجديد

#مركز_الكويت

#الطفل_الحنين_رزق

الثلاثاء، 25 يوليو، 2017

يويا و الجلسة

مغامرات الأنسة يويا : الحلقة الثانية


مشهد داخلي 😄

بيت يويا- المطبخ


الشخصيات 😃😃


يويا-- >غنية عن التعريف طبعا

لانا--> اخت يويا التوأم

مامي-->مامت يويا و لانا

شيماء --> دكتوره يويا في الأيام التانية


مامي سامعة يويا و لانا بيلعبوا
و فجأة ...


يويا موجهة الكلام للانا: يالا بينا نلعب جلسة 😂😂..
انا الاء و انتي هتبقي شيماء و نعمل الجلسة ..


ع الأخر الزمن جلسة العلاج الطبيعي للاطفال بقت مسلية لدرجة انها بقت لعبة 😂😂😂 و لأدهي ان الدكاتره بتوعهم بقوا شخصيات يتقمصهوا😄😄😄طب ميرسي يا يويا والله 😍😍

😍

#مغامرات_الأنسة_يويا

#نلعب_جلسة

#الجيل_الجديد

#مركز_الكويت

الأحد، 23 يوليو، 2017

حمزة... الحلقة الثانية الكوبري

فاكرين حمزة بتاع خلينا اخوات 

تطلع حبيبي مخلص لدكتورته في الايام التانيه #مادونا.. مخلص يا حمزة 

بس رضي عني انهارده و وافق نبقي اصحاب الحمد لله 

د عمرو - بيهزر مع حمزة -: مادونا سابتك انهارده يا حمزة  سابتك و راحت تلعب مع baby تاني.

#حمزة وافق نبقي اصحاب عشان يغيظ مادونا عشان سابته