الرقص علي المشاية

مغامرات  الأنسة يويا : الحلقة العاشرة
___________________________

مشهد داخلي من داخل الGym

الانسة يويا علي الtreadmill

انا: براااافو يويااا ماشية كويس .. هايلة 
يويا : خلاص اتدرب رقص بقي 

انا : اتدربي تمشي الاول 

ثم ادركت الللي اتقال 

انا و مامي : ضحكات متواصلة غير متقطعة 

#البنت_جابت_من_الاخر
#مشّاية_ايه_و_قرف_ايه

#تحدثكم_من_المستقبل

#التخطيط_الجيد

#مش_محتاجة_غير_ليونة

#الجيل_الجديد

#لنا_الله_بجد

مصر vs الكنغر

مغامرات الأنسة يويا : الحلقة التاسعة 
_________________________

#حدث_بالفعل
يويا انهارده

مامي بتتكلم علي الماتش 

-هو مين بيلاعب مين ؟
=مصر و الكونغو
¥ كنغر

Kangarooo

#كونغو_كنغر_المهم_نكسب
#يارب_النصر_لمصر
#مشاركة_كروية
#مغامرات_الانسة_يويا
#كاس_العالم
#يويا_والكاس_والكنغر

يويا و نغمة الحرمان

مغامرات الأنسة يويا : الحلقة الثامنة
_________________________

يويا من team عمرو دياب 

يويا مش راضية تشتغل من غير اغنية.

- بتحبي عمرو دياب ؟

=انا بحب عمرو الجديد مش القديم ..ها 

- (بقول في بالي هو اصلا يتسمع غير القديم .. احنا عجزنا و لا ايه ) اشغلهولك ؟

= اه... شغليلي مسكالي في نغمة الحرمان.

- مسكالي في ايه 

= مسكالي في نغمة الحرماااان.

- هو في حاجه كده اصلا 
Youtube searching .....

- ده طلع في حاجه كده فعلا 

= انا حفظاها ..و هغني معاها ..

اذ بالاغنية اشتغلت و يويا اشغلت معاهاو منسجمة يا ما شاء الله 

= ماسكلي في نغمة الحرمان وعمال تشكي وتهول

لا فرق اللي انت شوفته زمان ولا الحلو اللي في الأول

وجعتك ده انت توجع بلد في ايه هو انت اشتريتني

- (هي اولي ابتدائي بتوجع للدرجه دي ) 

#نغمة_الحرمان
#جيل_عمرو_الجديد
#انتي_اشتريتيني_انا_يا_يويا
#الجيل_الجديد
#مغامرات_الانسة_يويا

يويا و الليلة الكبيرة

مغامرات الأنسة يويا : الحلقة السابعة
______________________

    بقول لمامي عشان تخلي يويا و البنات يتفرجوا علي عرض الليله الكبيرة في شارع المعز .

يويا: دول هيبقوا الناس الحقيقين - تقصد عرض بالية الليله الكبيرة بتاع دار الاوبرا .

مامي: لا يا يويا ده عرايس ذي الاورجوز كده .

يويا: انا بخاف من الارجوز .

انا : دي عرايس ماريونت بخيوط و حلوة اووي يا يويا ... مفيش حاجه تخوف .

فتحنا طار في الشاشي و انت ما تدراشي من الليله الكبيرة  عشان تفهم يعني ايه عرايس ماريونيت .

بعد ما تمام فهمت و كله تمام ..

تديني الموبيل بكل هدوء و موجهة ليا الكلام.

يويا: ابقي ركزي بعد كده لما تشغلي الليله الكبيرة تشغلي الحقيقين 
انا و مامي : 

#ارجوز_لأ
#عرايس_لأ
#ماريوت_لأ
#بالية_اة
#شارع_المعز_اة
#بس_بردة_ماريونت_لأ
#الليلة_الكبيرة_اة
#مغامرات_الانسة_يويا
#الليلة_الكبيرة
#شارع_المعز

مس دودو

مغامرات الأنسة يويا : الحلقة السادسة
___________________________

يويا دخلت primary one 

- عملتي ايه في المدرسه انهارده 

= دخلت لنا مس دودو 

- دودو ايه يا يويا بس  هتقولولها دودو ازاي بس.

= هي اسمها داليا بس قالت تقولها دودو 

- دي زي فقرة لولو كده 

#مغامرات_الانسة_يويا
#الجيل_الجديد
#اولي_ابتدائي
#الرحلة_من_لولو_لدودو