الرشوة تعمل معجزات

في سنه 2012 استلمت حالة في العياده و كنت لسه مستجده.. الحالة بنوته spinabifida و معجزة تتحرك ع الارض من نجاح العمليات بتاعتها 

لغايه هنا حلو

البنوته اصلها صعيدي ..و علي الرغم من انها عمرها ما راحت الصعيد و علي الرغم انها كانت سنتين و 7 شهور غالبا .. كانت دماغها نشفة بشكل  و عياااااط و vomiting و صريخ عشان ما تشتغلش و حرفيا طلعت عيني 

الحاله الوحيده اللي من يوم ما اشتغلت لغايه دلوقتي حطيت handfree في ودني عشان اسمع اي حاجه غير عياطها و صريخها 

الحاله الوحيده اللي دكتور سامر Samer Kialy قالي لازم اشلها من جدولك عشان دي هتخلص عليكي 

 و مع ذلك نسي يشلها قبل فرحه و راح شهر العسل و سابني مع الحاله برده 

في يوم لطيف ظريف كان في ايدي chocolate و بديها لحاله تانيه مش حالتي صدفه بحته و الاقي الصريخ اللي استمر شهر و شوية اتقلب صمت ... و سمعت احلي صوت سمعته في حياتي ... صوت هدوء 

..و صوتها اللي مكنتش سمعته .. بتقولي ..دي بتاعتي 

يعني الفيلم ده كله هيخلص بمندولين ...بجد .. 

و كانت .. اشتغلنا بعد كده بالرشوة  و وقفنا و مشينا في وقت قياسي 

و د سامر رجع من الاجازة و قلتله البنت is handled well و بقت عسوله .. و لما شافها مصدقش .. قالي حرفيا ..كنت فاكرك بتبلغي 

البنت دي جت انهارده العياده ... بسم الله ما شاء الله بقت طولي تقريبا  و بقت قرده

الواحد فرحان بولاده و حاسس انه عجز في نفس ذات الوقت 

#احنا_كبرنا
#علاج_طبيعي_وافتخر
#الرشوة_تعمل_معجزات

اضافة: البنوته عرفت بااpost و فرحت جداااا