يويا الجدعة

مغامرات الأنسة يويا : الحلقة الخامسة
__________________________

يويا عرفت ان معايا حالات كتير انهارده

يويا: مامي انا هساعد دكتور الاء انهارده

مامي: و ماله

انا: انا بقول كل واحد ياخد حاله و نروح كلنا 

يويا: انا هاخد حاله 

مامي : انا مش هاخد حاجه 
يويا: مامي مش هتمشي غير لما تروحيني

انا و مامي :

#يويا_الجدعة
#جدعة_اه_بس_ملبسش_لوحدي
#يعني_استجدع_وماروحش
#مغامرات_الانسة_يويا
#الجيل_الجديد

الليلة الكبيرة

      يويا اكتشفت ان فيه اختراع اسمه الليلة الكبيرة من كام يوم .. شافت عرض الاوبرا اللي صممه الفنان المبدع عبد المنعم كامل الله يرحمه برؤيته لليله الكبيرة ..

     كان جميل ان اعرف ان الجيل ده كمان قدر ينبهر و يتأثر بعمل ذي الليلة الكبيرة لان ده لو بيعكس حاجه فبيعكس صدق العمل ده اللي عاش سنين معانا.

      ده يخيلني اربط ان في ناس كتير من جيلنا مش بيعرفوا اولادهم علي الحاجات اللي ذي دي .. الحاجات دي مهمه اووي لتكوين وعي ثقافي و حضاري للطفل بيربطة بالمجتمع و بالتراث و كطفل بيخليه بينبهر بالاوان و فنفس الوقت بيتعرف علي طبقات من المجتمع و شخصيات ذي اللي المولد و بتالي مداركة توسع ..

       انا فاكرة كويس اننا في المعكسر انبسطنا جداا لما غنينا الليله الكبيرة و ربطت زكريات لينا و لسه للنهارده موضوع الليله الكبيرة لوحده ذكري حلوة ...

      عرفوا اولادكم كل حاجه جميلة حبيتوها في طفولتكم  عشان تحسنوا حياتهم 

#الجيل_الجديد

#الليلة_الكبيرة
#مغامرات_الأنسة_يويا

يويا مع خمسة سنتي

مغامرات الأنسة يويا : الحلقة الرابعة :
______________________

الانسة يويا و تؤامها لانا

عاملين يغنوا.. اغنية كلامها مش مترتب ... "اخر خمسة سنتي في بنتولوني و قصيته عملتوا شورت "

مامي: ساعات بألفوا اغاني كتيير 

أنا : @sharmofers بجد 

مامي : مين ؟!!

انا:تقريبا دي خمسة سنتي 

و شغلنا #خمسة_سنتي 

و طلعت فعلا هي الاغنية الضالة 

يويا: شوفتي كنا بنسمع عالم سمسم بقت خمسة سنتي 

انا: اتطورتي في اسبوع ما شاء الله 

#الجيل_الجديد
#جيل_شارموفرز
#لنا_الله
#مغامرات_الانسه_يويا

الدكتورة هنونا

هنونا : لولو، انا بحس اني نايمه علي صخر

اشوفها الاقي فعلا spasm محترم في الparaspinals

هنونا: لولو ، حاسة ان الحته دي بتشد ذي استيك الساعة 

و فعلا في شد الاقيه جامد و بنفس الوصف اللي مشفتهوش غير في كتاب therapuetic .. the leather like feeling

هنونا: حاسة ان كعب رجلي عايز يتطرع..

و فعلا الاقيها محتاجة mobilization للanklesو ان عندها حق

   بصرف النظر عن ان هنونا طفله موهبة بالفطرة و شكلها هطلع دكتورة - علي الرغم ان الواحد يتمني ليها مهنة احسن من التعب اللي احنا فيه - ، بس للاسف .. هنا اشطر من دكاترة علاج طبيعي الواحد شافهم من يوم ما اشتغل 

   الهدف من حدوته اننا نتعلم نسمع للعيان الاول و نسمع لشكوي جسمه و نبطل الاحكام الاستباقية بتعتنا دي  

احنا كدكاترة علاج طبيعي نفرق عن اي حد باننا بنقدر من just one touch نعرف المريض ده عنده ايه... دي ميزة مش عند اي مهنه تانيه ... نحافظ عليها كده و نخلينا حلوين  و اسمع اسمع اسمع 

#الدكتوره_هنا
#اسمع_للعيان

يويا مش ديليفري

مغامرات الانسة يويا ..الحلقة الثالثة 

الأنسة يويا 

بنشغل في الsession عشان نظبط الspeed و cadence

انا: يويا امشي براحه

يويا و لا كاني بتكلم

انا: يويا moveee...stop

و لا كانها سامعاني 

انا: كده لو عربية هتعملي حادثة 

يويا: انا مش عربية 

انا: يعني لو ماشية علي رجلك و ماشية كده ممكن تخبطي حد يا يويا

يويا : انا مش delivery

انا: 

#مكنتش_كلمة
#الديلفيري_هو_اللي_بيعمل_الحادثة
#يويا_هعمل_اللي_في_دماغي
#مغامرات_الانسه_يويا
#لنا_الله

ضحكة سوكي

     في سنه 2013 طفل عسول عايش في دبي عنده سنه و شهر، أسمه عمر ، بس بالنسبة لي أسمه سوكي 

 ليه سوكي مهم بالنسبة لي؟

لأكتر من سبب

1- His parents very respectable, very cooperative and very helpful

دول حاجات تخلي آي دكتور محظوظ بكل المقايس.

2- سوكي كان يا حبيبي تعب كتير قبل ما يتحول للعلاج الطبيعي ، و كان متعقد من البلطو الابيض  ..و كان بيعيط كتيييير ... كان بيعيط بضميييير.

      بس أول ما أكتشفت ضحكته .. كانت دنيا تانية خالص .. ضحكة من القلب و خدود وردي و وش مدور .. ضحكة بضمير برده ... ضحكة تسترحم انك تخليه يزعل.

      سوكي أول حالة خلتني اهتم بان الطفل يضحك  و أنه يتراضي و يمشي مبسوط قبل ما أهتم أن الجلسة تتعمل صح  .. وده مش عشان ده بفرق جداا في النتايج ، ده عشان بس مقدرش مشوفش ضحكة سوكي 

3- عمر كان ليه اخ اسمه علي ... كان خواجة خالص و كان 3 سنين و كان بيحب يلعب معانا في sessionو انا كنت بحب الجلسة بتاعتهم جدااا.

   عمر طبعا كان بيسافر و يجي كل سنة  .. و مش بيكون معايا كل سنه أكيد .. لكن الودّ و الأحترام لمامته و لعلي اللي كل سنة فاكرني  مش بينتهي.

    سوكي جاه السنه دي الأيام بتعتي؛ و تيته جدة سوكي سلمت عليها و هو بصلي اللي هو -مين دي اللي تيتا بتبوسيها دي ؟.

قولتله : "حبيبي مش هتفتكرني كنت صغير" . و سلمت و خلاص(لأن كل سنة مش بيفتكر ).

    الجلسة اللي بعدها بسلم علي مامته ؛ و لقيته علي غير المتوقع بيبصللي و بضحكة في منتهي السعادة بيقولي :" مش انتي الدكتورة بتاعتي و أنا ضغنن؟!!.




واضح أنه سأل عليا و واضح أن تيتا قلتله

    و طبعا مفيش داعي أقول أن بعد كلمة " الدكتورة بتاعتي" دي انه اخد اللي فيه النصيب من الدلع و الأحضان 

سوكي بقي راجل داخل grade one 

طيب ليه أنا بحكي عن سوكي ؟

١- عشان أشكر مامته و عيلته كلها علي الدعم اللي أدوه لعمر و لان ده فرق معاه و هيفرق في بقية حياته .

٢- عشان لمّا حد فينا يبقي معاه baby و parents ذي أهل عمر ، يقدّر النعمة اللي معاه ، لأن شغلنا من غير أهل بيساعدوك و لا حاجة .

٣- عشان الأطفال طلعوا بيعملوا لنفسهم ذكريات هما كمان و بيسالوا عن اللي مش فاكرينه ... فنحاول نكون جزء من ذكري حلوة للطفل مش ذكري من شقاء و نكد و تعب .

٤- عشان نقدر الضحكة اللي بتطلع من الطفل عشان دي بتغير الدكتور كل جلسة للأحسن كأنسان مش بس كدكتور . ..

#احنا_كبرنا

#ضحكة_سوكي

#الاطفال_احباب_الله

#الوعي

#مركز_الكويت